Góðan dag kæru vinir

það er mikið að ég fæ þessar skvísur hérna til að kíkja í tölvuna með mér, annars var ég nú bara eiginlega búin að gleyma þessari bloggsíðu, enda hefur hún nú kannski aldrei verið upp á marga fiskana. Ég ætla þó að reyna að bæta úr því, ef ég mögulega get.

Af mér er að sjálfssögðu allt fínt að frétta eins og alltaf, lífið gengur bara sinn vanagang hérna í Blikaásnum. Ég fer í vinnu í Bæjarhrauni, sjúkraþjálfun til Atla í kópavoginum og einu sinni í viku í sund hjá Fjölmennt sem mér finnst alveg rosalega skemmtilegt. Sumsé alltaf nóg að gera hjá mér.

Fyrstu helgina í mars skelltum við Siggi og Holberg okkur ásamt tveimur starfsmönnum í helgarferð í Vaðnesið þar sem við vorum búin að taka bústað á leigu. Það var rosa kósý hjá okkur. Við fórum í Eden og grasagarðin þar, kíktum á Kerið, borðuðum góðan mat, sungum úr okkur lungu og lifur í sing star og síðast en ekki síst höfðum það rosalega gott og slöppuðum af. Takk æðislega fyrir helgina strákar og auðvitað Heiða og Tinna líka, þetta var alveg frábær ferð, verðum að gera þetta aftur einhvertimann.

Jæja, ætla að láta þetta nægja í bili, ég er að fara að vinna eftir smá stund.  ég vona að ég láti ekki eins langt líða á milli næstu færslu, þetta er alveg ferlegt.

kær kveðja, Laufey

Jæja fallega fólkið mitt...

Þetta gengur hreinlega ekki með bloggletið í mér, hva komin mánuður síðan ég bloggaði seinast. Nú faiði fréttir af mér.

En það er allt frábært að frétta, ég er eins og þið flest vitið byrjuð að vinna aftur, og allt komið í sama ganginn. Um daginn bauð Deddi mér til sín í kaffi og aftur núna næstu helgi, ég er voða spent, enda við mjög góðir vinir

Núna er föstudagur, vá ég elska föstudaga, Sigga bauð mér til sín í kvöld og við sátum í sittthvorum lazy stólnum og drukkum bjór alveg eins og prinsessur J  Svo skellti ég mér upp í rúm og horfði á Jónsa minn.

Á morgun ætla ég svoi að skella mér í bæinn, kannski maður kaupi sér föt eða geisladisk, finnst voða gaman að fara í skífuna  

Ég skal loaf því að það verði ekki eins langt í næsta blogg, ég veit að þið saknið mín, mig vantar bara eina góða klappstýru sem hvetur mig áfram.. hehe

Jæja nóg af bulli að sinni, ætla að halda áfram að horfa á Jónsa

Góða nótt, gangið á Guðs vegum eins og Hemmi minn segir

Jæja, ég held að það sé komin tími á blogg frá mér. Er ekki búin að vera sú duglegasta við að blogga í sumar, en ég lofa að bæta úr þessu núna.

Af mér er allt fínt að frétta, er búin að gera alveg heilan helling í sumar. T.d. fara í tvær vikur í sumardvöl á Nýjabæ í Gaulverjahreppi, það var alveg æðislega gaman þar og ég að sjálfssögðu dekruð upp úr skónum. Núna í ágúst fór ég svo með mömmu minni og pabba upp í sumarbústað. Það er búið að vera brjálað að gera hjá mömmu og þeim að endurbæta lóðina við bústaðinn. Ég hafði mjöög miklar áhyggjur af því að pabbi myndi gleyma að kaupa bjór fyrir mig áður en við færum í bústaðinn þannig að ég minnti hann mjög reglulega á það að gleyma því ekki, það er náttúrulega ekki hægt að fara í bústað án þess að fá sér bjór takk fyrir pennt.

Annars er Bæjarhraunið að byrja aftur á morgunn eftir sumarfrí og hlakka ég alveg roslega til að hitta alla aftur, sérstaklega Dedda vin minn, við höfum bara ekkert sést í allt sumar þannig að það verða pottþétt fagnaðarfundir í Bæjó á morgun

jæja, ætla að fara að leggja mig, þarf að vakna snemma í fyrramálið til að fara í sjúkraþjálfun.

kv. Laufey

Jæja þá er maður komin heim úr Reykjadal, ég skellti mér þanngað í viku aðeins til að slaka á þó það hafi verið lítið um afslöppun. En ég ætla að segja ykkur ferðasöguna hérna. 

Ég var komin á upp eftir á föstudegi og var þá bara tekið lífinu með ró og og tekið uppúr töskum og komið sér fyrir, svo var fyrsta kvöldvakan þar sem sungið var í kareoki og ákvað ég að taka lagið með Gunna og Paxa

Svo byrjaði actionið á Laugardeginum, það var skellt sér í sund um morguninn og var svammlað þar í nokkra stund. Eftir hádegi var gerð vinabók og voru margir sem kvittuðu í mína Eftir kaffi fór ég svo snyrtinámskeið sem var þvíllíkt fjör. Svo um kvöldið þá var haldin ógeðiskeppni þar sem blandað var bakaðar baunir, chilli, rjómi, pizzasósa og margt fleira get ekki sagt að mig hafi langað til að smakka þetta en fóstran mín var neydd til þess  

Það var aðeins rólegra á Sunnudaginn, við vorum í útileikjum sem var ekkert smá gaman, svo var málað eftir hádegi og voru þá 2 sem skrifuðu í vinabókina til viðbótar. Svo eftir kaffi þá var skellt sér í sund svona aðeins til að fríska uppá sig.

Á mánudeginum var svo skellt sér aftur í sund, svo eftir kaffi var setið úti og gerðir blómakransar á meðan á Sigurgeir hélt tónleika sem var bara gaman því að hann kann næstum öll lög Svo um kvöldið var kareoki keppni þar sem verðlaun voru í boði Ég tók lag úr Grease með Eddu og Ástrósu og verð ég bara að monta mig aðeins hérna því að ég fékk heiðursverlaun þetta kvöld

Á Þriðjudaginn skellti ég mér auðvitað í sund eins og alla aðra daga svo fengum við  gest til okkar, Jónsi í svörtum fötum kom og var að kenna okkur á hin ýmsu hljóðfæri líkamans og svo tók hann auðvitað lagið, seinnipartinn var svo farið og baka kellogs kökur fyrir kvöldið.

Á Miðvikudaginn mætti svo Jónsi aftur með gítarinn og upptökugræjur og var að taka upp nýtt lag með okkur og fáum við öll eintak af disknum þegar það hann kemur út, svo tók hann nokkur lög fyrir okkur Eftir að hann fór var skellt sér í útilkeiki t.d. fótbolta. Svo á kvöldvökunni var keila og kringlukast sem ég vann 

Fimmtudagurinn var svo þannig að ég skellti mér á smá fyrirlestur um ýmiss konar málefni sem var bara gaman. Svo var skellt sér í sund til að hressa sig aðeins við. Svo er maður bara búin að vera að dunda sér að klára dagbókina og setja inn myndir og svona alls konar þar sem ég var á leiðinni heim daginn eftir. Svo var síðasta kvöldvakan sem var bara stuð

Á Föstudeginum var ég svo komin heim í hádeginu og var ég ekkert smá þreytt, þó að það sé gott að komast aðeins í burtu þá er líka alltaf gott þegar maður kemur heim aftur. Ég átti alveg yndislega viku í Reykjadal núna, svo er ég að fara í Nýjabæ eftir viku og á ég ekki von á öðru en að það verði jafn gaman

kv. Laufey

Já, mér finnst alveg vera komin tími á smá bloggfærslu frá mér. Ég ætla að byrja á því að óska ykkur öllum gleðilegs sumars, þó að það sé dáldið fáránlegt í öllum þessum kulda. Af mér er annars allt gott að frétta eins og vanalega. Um daginn fór ég á kiwanis ball ásamt öllum á Blikaás og hitti þar alveg heilan helling af fólki, borðaði yfir mig af nammi og öðru góðgæti og dansaði eins og brjálæðingur. Síðasta miðvikudag fór ég svo með Kristínu sem er að vinna á Blikaás á tónleika í Grafarvogskirkju, það var mjög gaman, lögreglukórinn var að syngja ásamt fullt af öðrum söngvurum og þar á meðal Jónsi, Óskar Pétursson og Raggi Bjarna.

Á morgunn, Uppstigningardag er svo garðdagur hjá okkur hérna á Blikaásnum, þá koma foreldrar og aðrir ættingjar okkar og við til og tökum til í Garðinum, reytum arfa o.fl. Eftir öll erfiðin grillum við svo pylsur og hamborgara Á föstudaginn fer ég svo í heila viku í Reykjadal, ég er orðin mjög spennt að fara, ég vona bara að veðrið fari að skána svo ég verði brún og sæt  þegar ég kem heim aftur

kær kveðja Laufey

Halló allir,

Það er dáldið langt síðan ég bloggaði síðast, við stelpurnar erum ekki alveg að standa okkur hérna en ég vona að þið fyrirgefið mér nú samt Af mér er annars allt fínt að frétta og alltaf nóg að gera eins og vanalega. Um daginn fór ég ásamt Sigurjóni í 30 ára afmæli til Ívars sem býr á Marbakkabrautinni. Hann hélt upp á það í framheimilinu og var þetta svo sannarlega afmæli aldarinnar, fullt af skemmtiatriðum o.fl. sem fjölskyldan hans sá um að mestu. Svo er Idol stjörnuleitin náttúrulega búin og var ég vægast sagt mjööög sátt við úrslitin, það komu bara tár og allt þegar úrslitin voru kynnt. Mér finnst Snorri mjög flott Idolstjarna og ég ætla alveg pottþétt að kaupa diskinn hans þegar hann kemur út.                                                                       En núna er ég heima í páskafríi. Mér finnst mjög gott að fá pínu frí, þá get ég sofið út og horft á sjónvarpið langt fram á kvöld og svona Annars er ég eiginlega bara ný komin framm úr rúminu og er að smjatta á páskaegginu sem Árni bróðir minn og Helga kærastan hans komu með í gær. Svo verður því bara tekið rólega í dag ætla kannski bara að horfa á Jónsa til tilbreytingar...

en gleðilega páska öllsömul og vonandi borðið þið ekki yfir ykkur af páskaeggjum

kv. Laufey

Sem þýðir að ég er komin í helgarfrí. Það er búið að vera nóg að gera hjá mér í vikunni, sjúkraþjálfun, sund og Boccia. En ég ætla bara að hafa það gott um helgina. Slappa af og fara í heimsókn til Pálmars vinar míns í nýju íbúðina hans á sunnudaginn ásamt fleirum frá Blikaási.

Ég verð að segja ykkur að ég er nú aðeins farin að hlakka til kvöldsins. Það er auðvitað vegna þess að það er IDOL í kvöld og þá kemur mamma mín í heimsókn. Mér finnst alltaf svo gaman þegar hún kemur. Aðal tillhlökkunarefnið er þó að í kvöld ætlar Alexander, sem er að syngja í Idolinu að syngja lagið Dag sem dimma nátt en það lag syngur eimmit líka hann Jónsi vinur minn, þannig að þið getið rétt ímyndað ykkur gleðina á bænum. Ég er líka eiginlega hætt að styðja Briet Sunnu, ég meina halló hún er ekki að syngja lag eftir Jónsa...

Jæja ég ætla að fara að gera mig sæta og fína fyrir Idolið,

Þangað til næst..

Kv. Laufey

Jæja þá er maður loksins komin með blogg eins og allir aðrir og ætla ég að reyna að vera svoldið dugleg að skrifa hér inn svo að þið getið kannski fylgst betur með mér. Það er nú ekki mikið að frétta af mér þessa dagana , er búin að vera mest að vinna og svo taka því rólega heima.

Ég reyndar skellti mér á ildolið um daginn og skemmti mér alveg konunglega, fékk alveg frábært sæti alveg fremst við hliðina á dómnefndinni. Ég var nú strax komin með minn uppáhalds keppanda í fyrsta þætti og það er hún Bríet Sunna og mun ég halda áfram að hvetja hana

Ég fór í Reykjadal um daginn í helgardvöl með vinum mínum Sigurjóni og Holberg. Ég verð nú bara að segja það að það er alveg ofboðslega gott að komast aðeins í burtu og brjóta upp munstrið. Ég kom líka alveg endurnærð til baka og verð bara að segja sjálf frá að ég hef sjaldan litið eins vel út

Svo fór ég í mat til mömmu á fimmtudag og var hann pabbi minn komin þá heim af sjónum. Við vorum þar næstum öll fjölskyldann það vantaði bara hann Gústa.

Jæja ég ætla að fara að hætta í bili, ég blogga svo aftur mjög fljótlega, Cya